Matatapos na ang taon at inipon namin ang pinaka-nag-trending na post, photo at video ng Dance PH sa taong 2016. Pero bago ang lahat ay nagpapasalamat kami sa overwhelming na pagtanggap ninyo sa amin sa Dance PH. Hindi matutumbasan ang saya namin sa suporta na ibinibigay ninyo sa buong Dance PH Team. Ang mga paghihirap at sakripisyo na ibinibigay ng mga volunteers namin ay nasusuklian dahil sa kabutihan at suporta ninyo sa amin. Ang Dance PH ay para sa inyo Pinoy Mananayaw at sa lahat ng mga sumusuporta din sa inyo. Ginawa ang blogsite na ito upang magbigay serbisyo at inspirasyon sa lahat lalo na sa inyo. Ang lahat ng numeron at accomplishments namin ay ibinabalik namin at inaalay sa Poong Maykapal na nagbigay ng lahat ng ito. Wala kami kung wala siya. Hindi namin magagawa ang ginagawa namin ngayon at mga gagawin pa sa susunod kung hindi sa biyaya ng ating Panginoon. Kaya ang blog na ito ay para sa Diyos Ama at Panginoong Hesukristo. Nagpapasalamat kami sa Diyos dahil hindi niya kami pinababayaaan sa nagdaang taon. Magdadalawang taon pa lamang kami sa Marso 2017 ngunit ang biyaya niya ay sobrang nag-uumapaw. Mula sa 6,965 followers nuong 2015 ay umabot na sa 59,124 followers sa katapusan ng 2016. Ito ay humigit-kumulang na 800% na Page Like increase simula nuong isang taon. Ang average daily reached namin ay 4,353 nuong 2015 at ngayong taon ay umaabot na sa 37,427. Mula sa dating 276 reactions average daily reached ay umaabot na sa 2,023 na ngayong taon. Ang average daily comment ay 21 nuong 2015 at sa 2016 ay umaabot na sa 138. Samantala, ang average daily shares nuong 2015 na 29 ay umaabot na sa 242 daily shares ngayong 2016. Umaabot na sa 56 countries ang nare-reached ng Dance PH sa buong mundo. Umabot din sa 1,278,704 video views at 1,400,000 reactions ang natanggap namin sa taong ito. Ngayong taon din nagkaroon ng unang workshop ang Dance PH sa pamamagitan ng pakikipag-collab kay Ms. Krizza Balanlay at Luigi Lacsina ng Power Impact Dancers para sa benefit classes kay Baby Johann na nagkaroon ng liver disease. Ito rin ang unang taon na kung saan ay nagkaroon ng sariling workshop ang Dance PH. Pinagsama-sama namin sa isang buong araw ang pinakamainit at hinahangaang choreographers ng kanilang henerasyon na sina Coach Dhztine Bernardino, Coach Mycs Villoso at Coach Rhemuel Lunio. Ibinahagi ng Dance PH ang Salt and Light Workshop nuong September 3, 2016 sa The PARC Manila upang bigyang pagkakataon ang lahat na matuto at ma-inspire ang mga Pinoy Mananayaw sa mga de-kalibre nating choreographers.
0 Comments
Leave a Reply. |
Prof.
|